వుండాలోయ్ యువహృదయానికి

ఆత్మవిశ్వాసం , ఆత్మాభిమానం
ఎదిరించే శౌర్యం , ఎరుకపరచే స్థైర్యం
వుండాలోయ్ యువహృదయానికి
ఆశయమే గురిగా, సాహసమే సిరిగా
సత్యమే ఊపిరిగా, అహింసయే ఆయుధంగా
వుండాలోయ్ యువహృదయానికి

మానవత, మమత, సమత సమపాళ్ళగా
సాధన, శోధన, ఆవేదన జతగాళ్ళుగా
వుండాలోయ్ యువహృదయానికి

నిన్న – నేడు - రేపు

నిదురించిన నిన్నని పిలిచి
కదిలించకు నీ మదిని
బెదిరించిన నేటిని తలచి
నిదురించకు మారదని
వుదయించే రేపును వలచి
మొదలెట్టిన వాడే మనిషి
శ్రమ జీవికి ఓటమి రాదు
శ్రమ శక్తికి పోటీ లేదు
వెనుతిరగక వేసెయ్ అడుగు
వెన్నెల రాకుంటే అడుగు

తొలి అడుగు

ఆలోచనలలో సగం జీవితం
ఆవేదనలతో సగం జీవితం
గడిచిపోతోంది కుంటు కుంటు
నడిచిపోతోంది కాలం
నర్మగర్భంగా నవ్వుకుంటు
అప్పుడప్పుడుతొంగిచూస్తోంది
ఆనందం నేనున్నానంటూ
అంతుతెలియనిసాగరంలో
అనవరతం ఈదే పుష్పాలం
గాలంవేసే జాలరివలలో
చిక్కుటకొరకేపుట్టిన
జలపుష్పాలం.