జీవగడ్డ

సిరులు పొంగే జీవగడ్డే
కరవు బారెను పడెనురా
ఆదరించిన అన్నపూర్ణ
దేవిరించెను నేడురా
అన్నదమ్ముల మెలగు జాతుల
అంత కలహములొచ్చెరా
ఉమ్మడి కుటుంబాలూడి
వూరుమ్మడి బ్రతుకులాయెరా
వుండి లేనట్టాయెరా
తెలుగు ప్రజలకు తెగులుసోకి
తెగలు తెగలై పోయెరా
పొరుగుపచ్చను ఓర్వలేక
పొగిలి పొగిలి ఏడ్చెరా
వృద్ధశరణాలయమ్ము చూస్తే
అర్ధమవదా లోకతీరు
అర్ధ మే పరమార్ధమాయె
అనుబంధమన్నది దాటె ఏరు.